مرحبا بيكم في حملة " في حمايتهم حمايتنا"
مبادرة مشتركة بين جمعية حماية الحيوانات بصفاقس و الشركة الناشئة ANCA Box بالتعاون مع منصة شقاقة
نحنا جمعية حماية الحيوانات بصفاقس عنا ملجأ للحيوانات و هدفنا هو توفير الحماية و الرعاية الصحية للحيوانات هذي مع المحافظة على سلامة المواطنين.
أما قاعدين نواجهو في برشة صعوبات و مخاطر ميدانية، منها داء الكلب - الله يسترنا ⚠ 🆘
الخبر الباهي إنو ليوم لقينا حل تنجم توفرهولنا الشركة الناشئة AncaBox عن طريق تكنولوجيا حديثة والأولى من نوعها في تونس.
الحل متمثل في قلادة ذكية للحيوانات (متصلة بالأنترنت ) تخلي الجمعية تتابع الكلاب السائبة وتراقب حالتها الصحية لحظة بلحظة. لكن يلزمنا تمويل باش الشركة الناشئة تنجم تحطها على ذمة الجمعية.
هذاكة علاش حملة التبرعات هاذي هدفها هو تمويل صناعة نماذج من القلادة الذكية للحيوانات لملجأ جمعيتنا باش نحميوهم ونحدّوا من انتشار داء الكلب، المرض اللي يشكل خطر على الحيوان والإنسان.
هذا هو التصميم الأولي متاع القلادة الذكية اللي باش يتم تصنيعه بدعمكم
لمحة لبعض الخدمات الي تقدمها قلادة AncaBox :
تحديد المواقع في الوقت الحيني للكلاب السائبة باش نضمنولهم الحماية
تنبيهات الأمان إذا كان فما مجموعة فيها أكثر من 5 كلاب قريبة
مراقبة الحالة الصحية للحيوان : نبضات القلب، التنفس، درجة الحرارة وغيرها
باش تتعرفو أكثرعلى القلادة تابعوالفيديو👇
دعمكم هو اللي باش يعمل الفارق :
بمساهمتكم و دعمكم باش نلمدو المبلغ اللازم لإنتاج عدد من القلادات الذكية اللي باش تركبهم الجمعية للكلاب السائبة و هكاكة تنجم تتابع حالتهم الصحية وين ما كانوا بمساعدة فريق ANCA BOX ، و بذلك تكونو ساهمتو في :
- الوقاية من داء الكلب عن طريق مراقبة الحالة الصحية للكلاب.
- تحديد موقع الكلاب في مرحلة التلقيح ومراقبة صحتهم لمنع انتشار الأمراض.
القلادة هاذي تمكننا من تلقي إنذارات مبكرة في حالة ظهور أي علامات مرضية مثل داء الكلب.
أعداد الكلاب السائبة قاعدة تزيد ،كل عام، آلاف منهم تعاني في الشوارع . أما مع بعضنا، ننجمو نبدلو الواقع.
شاركو معانا في المهمة النبيلة هاذي و ساهمو في بناء مستقبل أفضل للحيوانات و للناس المحيطة بيهم.
