السلام عليكم
أنا مرأة تونسية من اللي وعيت على روحي وأنا نحلم نكون أم نشد صغيري بين يديا ونحس بدفاه أما الحلم هذا ولى معركة يومية مع مرض اسمه بطانة الرحم المهاجرة Endométriose مرض صامت ما يحكيوش عليه برشة أما يدمّر حياة آلاف النساء
بطانة الرحم المهاجرة معناها نسيج يشبه بطانة الرحم يكبر في بلايص ما لازموش كيما في المبيضين القنوات حتى في المثانة كل دورة شهرية نعيش في وجيعة لا توصف وجيعة توصل لدرجة نطيح على روحي ما نجمش نخدم ما نجمش نتحرك كيما برشة نساء مشيت من طبيب لطبيب وتعبت ومصاريفي كبرت والحالة ديما هي هي ما نحبلش وحتى كي نحبل الحمل ما يكملش وصغيري يمشي قبل ما نسمع بكيتو
اليوم الأطباء قالولي يلزمني نعمل تلقيح اصطناعي لكن قبلها ضروري نعمل منظار طبي وتحاليل دقيقة وتكاليفهم كبيرة برشة أكثر من طاقتي أنا نخدم نحاول نصبر أما اليوم وصلت لمرحلة لازم نطلب يد المساعدة
نطلب من الناس اللي عندهم قلوب تحس اللي يعرفوا قيمة الأمومة إنهم يعاونوني حتى بالقليل صدقتكم تعاونكم دعائكم كل حاجة تنجم تفتحلي باب الأمل وتخليني نكمّل المشوار هذا
ربي يفرّح كل محرومة ويفتح قلوبكم للخير شكراً من قلبي وكل كلمة دعم تعنيلي الدنيا
🙏❤️
مجموعة من التحاليل تقدر ب 1980 دينار 🔹
🔹ovocyplusدواء ثمنه 185دينار
منظار طبي ب 2000 دينار🔹
🔹 دواء menopur ثمنه 170 dt
وثبت الله أجركم انشاء الله
