"إنت الخير"

عاونّا بجهدنا.. بوقتنا.. بفلوسنا و بصحتنا

البلاد مستحقتلنا، هذاكا علاش اطلقنا حملة التعقيم مع الصديق صفوان التليلي صاحب شركة Easy Kleen Tunisia.. الي هو زادة تعب برشة و سيّب خدمتو في سبيل انجاح الحملة.. مانيش باش نحكيلكم عليها برشة خاطر اغلبكم تبعتونا من الاول و تلقاو فيديو فيه اهم مراحل حملة التعقيم الي مازالت متواصلة

مع حملة التعقيم و بدعم و مبادرة من Csid مركز دراسة الإسلام و الديمقراطية قرّرنا نواصلوا و نمشيوا لما أبعد..

الألاف من العائلات التوانسة يخدموا بالنهار و الازمة هاذي ما خلاتهمش يخدموا الشي الي خلاهم في أمسّ الحاجة لمساندتكم.. موش يقولوا " التونسي للتونسي رحمة " ؟؟

هاذي الفرصة باش نثبتوا الحاجة هاذي

حملة " إنت الخير" موش جديدة عليكم.. عشناها و خدمناها معاكم طيلة 5 سنوات

اما اليوم مستحقينكم و مستحقين دعمكم

حملتنا المرة هاذي تشمل خمسة ولايات.. تونس، بنزرت، صفاقس، القيروان، و جندوبة

كل ولاية باش تلقاو رابط التبرع الخاص بيها

و تنجموا تتبرعوا زادة بطريقة مباشرة بالاتصال مباشرة بمنسق الحملة في الولاية هاذيكا ( مقابل وصل في المبلغ المتبرع به ) 

غايتنا هي توفير المواد الغذائية اللازمة لاخوتنا الي غلبهم الوقت.. حاجات تخليه يعيش و يعدي نهاره شبعان كيفنا كيفو

حلمتنا بدات معاكم.. و ما تكمل كان بيكم 

نستناو دعمكم و تبرعكم

دعمك ينجم يكون بنشر الحملة هاذي على اوسع نطاق

انت الخير.. انتم الخير 

ولاية القيروان - رحمة العيفاوي - 27398611

رابط التبرع: https://bit.ly/3apvpoB

ولاية تونس - صبري الدريدي - 28127574

رابط التبرع: https://bit.ly/3awbi8o

ولاية بنزرت - أريج الزموري - 99415432

رابط التبرع: https://bit.ly/2JqlXFJ

ولاية جندوبة - محمد علي العلوي - 53338929

رابط التبرع: https://bit.ly/2xDo8TL

ولاية صفاقس - محمد الهادي علوش - 94001267

رابط التبرع: https://bit.ly/39DUmM1