كيما وعدناكم وكيما شفتو ، حلمتنا حققناها وكنا
قد المسؤولية وأكثر. ❤️⚓
اخترنا أماكن بعيدة ومنسية ... على الحدود
التونسية-الجزائرية
وبالتحديد في عمادة عين الكرمة وسيدي رابح، معتمدية ساقية سيدي يوسف بولاية الكاف.
تكفلنا ب 31 عائلة و وفّرنالهم :
- 31 شوفاج
- 122 فرش
-80 كرذونة دبش
-155 لتر جفال
-50 كلغ صابون
-3720 كلغ ماكلة
-3600 كوش للصغار والكبار والنساء
وبرشة حاجات أخرى كانت كافية و أكثر أنها تخليهم مرتاحين في فصل الشتاء ...
لكن قعدنا ديما نخممو ونحسو إلي عملناه باقي شوية.
هذاكة علاش قررنا إنا نكبّرو الحلمة متاعنا
والمرة هذي بش يكون تحدي لينا خاطر الهدف متاعنا 3 قرى مهمشة وحد ما تلفتلهم ...
عين مازر/صفاية/جرادو، 3 بلايص تابعة لسلسلة جبال ورغة على الحدود التونسية-الجزائرية
عباد أبسط أساسيات الحياة ماهيش متوفرة عندهم
عباد عاناو برشة من الإرهاب إلي خلّى حتّى التنقل صعيب ياسر عليهم
وبما إنو شهر رمضان على الأبواب ...
قررنا بصيفتنا Rotaract Club Tunis Méditerranée باش نتكفلو بكل مستحقاتهم في هالشهر الكريم. ⚓
وباش نعملو المستحيل في ضل هذا الوضع الصعيب ونتأكدو إلي خوتنا فالمناطق هذي يشقو فطرهم ويباتو متسحرين كيفنا وكيفكم
لكن هذا الكل ما يكمل كان بيكم وبالخير إلي فيكم .. عباد يعلم بها كان ربي معملّة عليكم باش تعاونوها.
مع بعضنا في هل شهر الفضيل ... نعاونو
المحتاج والقلّيل ❤️⚓
#RACكريم
#KoffetRomdhan2.0
#نكبّروا_حلمتنا
#RacTunisMéditerranée
#FellowshipThroughService
#District9010
#RotaryInternational
