مرحبا بكم في حملتنا الجديدة 🙂 

الحملة السابقة عبينا الشقاقة بفضل دعمكم و ليوم مازلنا مستحقين دعمكم ومحبتكم 💚💙💛

 في الحملة السابقة كانت البداية مع ولاء، قصة أمل فتحت الباب قدّام برشا صغار بش يحلموا بحياة خير، واليوم الحلمة قاعدة تكبر مع بناء المركز الجديد بفضل تبرّعاتكم ووقفتكم معنا حملتنا السابقة نجحت

وين وصلنا: بدينا الاشغال 👏

ليوم جيناكم بش نعلموكم إلي الأشغال بدات ، خطوة جديدة نحو مستقبل فيه كل صغير عنده طموح يلقى الفرصة اللي يستحقّها بش يثبت روحو وينجح ويكون عنصر فاعل في المجتمع.

حبينا نقسمو معاكم شوية صور من نهار إنطلاق الأشغال

لناس إلي معندهاش فكرة على جمعيتنا حبينا إنقوللكم إلي جمعية قوس قزح هي 13 سنة من العطاء

منذ أفريل 2012، وجمعية "قوس قزح" تخدم على تعليم، تكوين، وإدماج الأطفال المصابين بالتريزومي 21 واللي يعانون من إعاقة ذهنية خفيفة، وتوفّر لهم المساحة بش يتطوروا ويعيشوا باستقلالية، لكن اليوم، المركز الحالي ما عادش يكفي، وبرشا عائلات قاعدة تستنّى فرصة بش تسجّل صغارها 🙏. الحل الوحيد هو بناء مركز جديد يستوعب 100 طفل، يوفر لهم بيئة ملائمة بش يكبروا بثقة، يتعلموا، ويندمجوا في المجتمع 💪.

❤️ مع بعضنا، نكمّلو الحلمة

🛠️ الأشغال انطلقت، لكن الرحلة مازالت متواصلة… كل تبرّع، كل دعم، كل مشاركة، كل خطوة مهما كانت صغيرة، تخلق فرق وتقرّبنا أكثر من تحقيق الحلمة. اليوم، نجّم تكون أنت السبب في تحقيق مستقبل طفل، وتساعد في بناء مجتمع أكثر احتواء وإنسانية.

شكراً على محبتكم ودعمكم 💙💛