❤️ من حقهم يعيشوا بكرامة
ولاء شابة تونسية عمرها 23 سنة، كانت ديما تحلم بصنع الحلويات. من صغرها، كانت تعدي سوايع في كوجينة تجرب في وصفات جديدة .
بفضل دعم جمعية "قوس قزح"، انضمت ولاء لورشات التكوين في مجال صناعة الحلويات. تعلّمت تقنيات جديدة وطوّرت مهاراتها، وبدأت تشارك في إعداد مختلف الأنواع من الحلويات. مع الوقت، أثبتت كفاءتها وشغفها، مما خوّلها الحصول على فرصة عمل في مطعم كمتخصصة في صناعة الحلويات. اليوم، ولاء تعيش حلمتها وتخدم في المجال اللي تحبّه.
لكن، ولاء مش الوحيدة. برشا صغار يستنّاو في فرصة كيفها بش يحققوا أحلامهم. ببناء مركز جديد، بش نوفّرو الفرصة لأكثر عدد ممكن من الأطفال بش يطوّروا مهاراتهم ويكونوا فاعلين في المجتمع.
🎯 جمعية قوس قزح و أهدافها
جمعية "قوس قزح" هي جمعية غير ربحية تأسست في أفريل 2012 وتهدف إلى تعليم، تكوين، وإدماج الأطفال المصابين بالتريزومي 21 والذين يعانون من إعاقة ذهنية خفيفة، سواء في المدارس أو في المجتمع
أطفال التريزومي 21 (متلازمة داون) هم أطفال عندهم أحلام و طموحات 🌟 وقلوبهم مليانة بحب الحياة ❤️. لكن للأسف، الفرص اللي عندهم محدودة برشا والعائلات اللي عندها صغير تريزومي تواجه صعوبات كبيرة 💔 بش توفّر له الحاجيات الأساسية، كيما التعليم 📚 والتكوين وهي حقوق أساسية لتوفير حياة كريمة 🏡✨
هدفنا هوتمويل بناء مركز لإستيعاب 100 صغير
جمعية قوس قزح 🌈 عندها مركز يستقبل الأطفال 👧👦، لكن للأسف قدرته محدودة 🛑، وبرشا عائلات قاعدة تستنى فرصة بش تقيد صغارها 🙏.
بلدية الكرم 🏢 تبرعت بقطعة أرض 🌍 للجمعية، والمشروع هو بناء مركز جديد 🏗️ يستقبل 100 طفل 👶👧.
السيدة ريم بليش مؤسسة الجمعية تحكيلكم على المشروع في الفيديو 👇
هذه مجسمات المركز و البلون👇
المركز هذا باش يكون دار كبيرة مليانة بالأمل ✨ والحب ❤️ لكل طفل وعائلة 👨👩👧👦، ويوفّر:
- تعليم محترم 📚: بش الصغير يلقى فرصة بش يقرا ويطور مواهبه 🎨🎵.
- تكوين مهني : يتعلم كيفاش يبدع في صناعة الحليّ 💎 أو الحلويات 🍰.
- كرامة واستقلالية 🤝: بش يحس روحه فاعل في المجتمع 🌟 ويعيش بكرامة 🏡.
تخيلوا الفرحة 😍 وقت الصغير يلقى بلاصة 🏫 وين يقرا 📖 وين يتكوّن، وين يبدأ يبني مستقبله بيديه 🙌.
💡 شنوة المطلوب؟
بش نحققوا المشروع هذا ! نحتاجوا دعمك:
تبرع مالي:كل قدير و قدرو.
مساندة معنوية: حتى مشاركة في الحملة بش توصل صوتنا.
مع بعضنا نبنيو مستقبل أفضل لصغارنا.
مع تحيات فريق الحملة ❤️
